பூத் சிலிப்பில் வேட்பாளர்களின் பெயர், சின்னம் இருக்க கூடாது. ஆள்மாறாட்டம், தேர்தல் முறைகேடு நடந்தால் தேர்தல் அலுவலர்களிடம் புகார் தெரிவிக்கலாம்,'' என்றார்.கூட்டத்தில், நடந்த விவாதங்கள்;பர்லியார் ஊராட்சி தலைவர் வேட்பாளர் கலைச்செல்வன்; கரன்சி பகுதியில் உள்ள 200 வாக்காளர்கள் சுமார் 7 கி.மீ., தூரமுள்ள சிங்காரா ஓட்டு சாவடிக்கு சென்று ஓட்டளிக்க வேண்டியுள்ளதால் பலர் ஓட்டளிக்க வர தயங்குகின்றனர்; அவர்களுக்கு அரசின் சார்பில் வாகனம் ஏற்பாடு செய்து கொடுக்க வேண்டும்.ஊராட்சிகளின் உதவி இயக்குனர் மணி; ஓட்டுச் சாவடி மாற்றம் செய்வது இனிமேல் கடினம்; மனு எழுதி கொடுங்கள்; அடுத்த தேர்தலுக்குள் ஓட்டுச் சாவடியை மாற்ற முயற்சி செய்கிறோம்.வண்டிச்சோலை ஊராட்சி மன்ற தலைவர் வேட்பாளர் சதீஷ்குமார்; எனது வார்டில் 30 பேரின் பெயரை வாக்காளர் பட்டியலில் சேர்க்க மனு வழங்கியதில், 14 பேரின் பெயர் மட்டுமே சேர்க்கப்பட்டுள்ளது; விடுப்பட்டவர்களும் ஓட்டளிக்க ஏற்பாடு செய்ய வேண்டும்.எடப்பள்ளி ஊராட்சி மன்ற தலைவர் வேட்பாளர் ராஜூ; ஊராட்சி மன்ற தலைவர், உறுப்பினர் வேட்பாளர்கள் கட்சிக்கு அப்பாற்பட்டவர்கள்; இருப்பினும், அவர்கள் அரசியல் கட்சிகளின் ஆதரவுடன் ஓட்டு சேகரித்து வருவதை தவிர்க்க வேண்டும்.உபதலை ஊராட்சி மன்ற தலைவர் வேட்பாளர் சிதம்பரம்; பெரிய கரும்பாலம் பகுதியில் உள்ள வாக்காளர்கள் சுமார் 13 கி.மீ., தூரமுள்ள பழத்தோட்டம் வாக்குச் சாவடிக்கு சென்று ஓட்டளிக்க வேண்டியுள்ளதால், பலர் ஓட்டளிக்க வர தயங்குகின்றனர்; மாற்று ஏற்பாடு செய்து கொடுக்க வேண்டும்.உதவி இயக்குனர் மணி; பெரும்பாலான கிராமங்களில் குறுக்கு பாதை கண்டிப்பாக இருக்கும்; அந்த வழியை பயன்படுத்தி, ஓட்டுச் சாவடிக்கு போகலாம்.குன்னூர் டி.எஸ்.பி., மாடசாமி; பள்ளி மாணவர்கள் கூடும் இடங்களில் பிரசார வாகனத்தை ஓட்டியவாறு பிரசாரம் செய்யக் கூடாது. இரவு 10.00 மணிக்கு மேல் பிரசாரம் செய்யக் கூடாது என்றார்.