தற்போது, பள்ளிகளுக்கு அரையாண்டு விடுமுறை மற்றும் ஆங்கில புத்தாண்டு தொடர் விடுமுறை காரணமாக, நேற்று சுற்றுலா பயணிகளின் வருகை ஊட்டி நகரில் அதிகரித்தது.

அரசு தாவரவியல் பூங்கா, படகு இல்லம், ரோஜா பூங்கா மற்றும் தொட்டபெட்டா உள்ளிட்ட சுற்றுலா மையங்களில், கேரளா, கர்நாடகா உட்பட சமவெளி பகுதியில் இருந்து, சுற்றுலாப் பயணிகள் அதிகளவில் குவிந்தனர்.

இதனால், ஊட்டி சேரிங்கிராஸ், எட்டின்ஸ் சாலை, படகு இல்லம், மத்திய பஸ் நிலையம் மற்றும் கோத்தகிரி சாலைகளில், சுற்றுலா வாகனங்கள் அணிவகுத்துதால் நெரிசல் ஏற்பட்டது. இதனை சீரமைக்க போலீசார் திணறினர்.

இன்னும் சில நாட்கள் கூட்டம் இருக்கும் என்பதால், நகரில் கூடுதல் போலீசாரை பணியில் அமர்த்துவது அவசியம்.