கோத்தகிரி கடைவீதியில் அமைந்துள்ள ஸ்ரீ மாரியம்மன் கோவில் வருடாந்திர திருவிழா, கடந்த, 17ம் தேதி கொடியேற்றத்துடன் துவங்கியது. நாள்தோறும் அம்மனுக்கு பல்வேறு உபயதாரர்கள் மூலம், சிறப்பு அபிஷேக அலங்கார மலர் வழிபாடு நடந்தது.

விழாவின் ஒரு பகுதியாக, நேற்று காலை, 11:00 மணிக்கு அம்மனுக்கு மலர் அலங்கார வழிபாடு நடந்தது. பகல், 1:00 மணிக்கு பக்தர்களுக்கு அன்னதானம் வழங்கப்பட்டது.

மாலை, 6:00 மணிக்கு, அம்மன் முத்துப்பல்லக்கில் எழுந்தருளி, காம்பாய்கடை, பஸ் நிலையம், மார்க்கெட், காமராஜர் சதுக்கம் மற்றும் ராம்சந்த் வழியாக திருவீதி உலா வந்து பக்தர்களுக்கு அருள் பாலித்தார்.

திரளான பக்தர்கள் பங்கேற்று அம்மனை வழிபட்டனர்.