கூடலூர் : 'கூடலூர் தனியார் எஸ்டேட் தோட்ட தொழிலாளர்களுக்கு 20 சதவீத போனஸ் மற்றும் 1000 ரூபாய் கருணை தொகை வழங்க வேண்டும்,' என வலியுறுத்தப்பட்டுள்ளது.கூடலூர் தாலுகா தனியார் எஸ்டேட் ஏ.டி.பி., தொழிற்சங்க நிர்வாகிகள் கூட்டம் கூடலூரில் நடந்தது.கூட்டத்தில் எடுக்கப்பட்ட தீர்மானங்கள்:தனியார் எஸ்டேட் நிர்வாகம் தோட்ட தொழிலாளர்களுக்கு 20 சதவீத போனசுடன் 1000 ரூபாய் கருணை தொகை வழங்க வேண்டும்; இத்தொகையை தீபாவளிக்கு 10 நாட்களுக்கு முன்னதாக வழங்க வேண்டும்.சில தனியார் எஸ்டேட் நிர்வாகம் தொழிலாளர்கள் குடியிருப்பு மற்றும் சுகாதார வசதிகளை முறையாக பராமரிப்பு செய்வதில்லை; தொழிலாளர் துறை அதிகாரிகள் இதனை பார்வையிட்டு நடவடிக்கை எடுக்க வேண்டும் என்பன உட்பட தீர்மானங்கள் நிறைவேற்றப்பட்டன.