தமிழ்நாடு அரசு அனைத்து செவிலியர்கள் சங்க மாநில பொதுச் செயலாளர் பாண்டி தலைமை வகித்தார்.

ஆர்ப்பாட்டத்தில், 'பனி மூப்பு பட்டியலில் உள்ள செவிலியர்களுக்கு உடனடியாக செவிலியர் கண்காணிப்பாளர் நிலை 2 பதவி உயர்வு கலந்தாய்வு நடத்த வேண்டும்;

நிரந்தர செவிலியர் காலி பணியிடங்களில் எம்.ஆர்.பி., ஒப்பந்த செவிலியர்களை பணி நிரந்தரம் செய்ய வேண்டும்;

அனைத்து அரசு மருத்துவக் கல்லுாரி மருத்துவமனைகள், அரசு மருத்துவமனைகளில் நோயாளிகளின் எண்ணிக்கைக்கு ஏற்ப, புதிய செவிலியர் கண்காணிப்பாளர், நிரந்தர செவிலியர் பணியிடங்களை தோற்றுவித்து, செவிலியர்களுக்கு பதிவு உயர்வுடன், பணி நிரந்தரம் வழங்க வேண்டும்;

அனைத்து ஆரம்ப சுகாதார நிலையங்களிலும், 6 நிரந்தர செவிலியர்களை பணியமர்த்த வேண்டும்; ஒரு சுகாதார மாவட்டத்திற்கும், மாநகராட்சிக்கும் ஒரு செவிலியர் கண்காணிப்பாளர் நிலை 1 பணியிடத்தை புதிதாக தோற்றுவிக்க வேண்டும்,' என, வலியுறுத்தப்பட்டது.

மாநில தலைவர் பால்பாண்டியன், பொருளாளர் தமிழ்செல்வி, நிர்வாகிகள் கற்பகம் மற்றும் சிந்தன் உட்பட, 50க்கும் மேற்பட்டோர் பங்கேற்றனர்.