ஊட்டி அரசு தாவரவியல் பூங்காவுக்கு சீசன் காலங்கள் உட்பட பிற நாட்களிலும் ஏராளமான சுற்றுலா பயணிகள் வந்து செல்கின்றனர். இங்கு வரும் சுற்றுலாப் பயணிகள் வசதிக்காக பூங்கா செல்லும் நடைபாதையை ஒட்டி இ--டாய்லெட் வசதி நகராட்சி நிர்வாகத்தால் ஏற்படுத்தப்பட்டது. நகரில் தற்போது, 10 இடங்களில், 2 கோடி ரூபாய் மதிப்பீட்டில் நவீன கழிப்பிடம் கட்டுமான பணிகள் நடந்து வருகிறது.

அதில், தாவரவியல் பூங்கா சாலையில் உள்ள இ--டாய்லெட் போதிய பராமரிப்பின்றி பயன்படுத்த முடியாத நிலையில் உள்ளது. இந்த இ-டாய்லெட் நடைப்பாதையில் நடந்து செல்லும் சுற்றுலா பயணிகளுக்கு இடையூறாக உள்ளது. 'இதனை அகற்ற வேண்டும்,'என, அப்பகுதியினர் நகராட்சி நிர்வாகத்தை வலியுறுத்தியுள்ளனர். எனவே, நகராட்சி நிர்வாகம் இப்பகுதியை ஆய்வு செய்து, உடனடியாக அகற்ற நடவடிக்கை எடுக்க வேண்டும்.