குன்னுார் பகுதியில் கடந்த வாரம் பெய்த மழையை தொடர்ந்து காலநிலையில் மாற்றம் ஏற்பட்டு, சீரான காலநிலை நிலவி வருகிறது. இந்நிலையில், நேற்று குன்னுாரில் வெயில் நிலவிய போதும், லேம்ஸ்ராக், டால்பின் நோஸ் சுற்றுலா மையங்கள், குன்னுார் -- மேட்டுப்பாளையம் மலைபாதைகளில் கடும் பனிமூட்டம் நிலவியது.

இதனால், இயற்கை காட்சிகளை ரசிக்க முடியாமல் சுற்றலா பயணிகள் ஏமாற்றமடைந்தனர். எனினும், பனிமூட்ட பகுதிகளில், புகைப்படம் எடுக்க ஆர்வம் காட்டினர். மலை பாதையில் அனைத்து வாகனங்களும் 'மிஸ்ட் லைட்' பயன்படுத்தி இயக்கப்படுகின்றன.