குன்னுார் தேயிலை ஏல மையத்தில், கடந்த வாரம் 33வது ஏலம் நடந்தது. அதில், '15.95 லட்சம் கிலோ இலை ரகம்; 4.13 லட்சம் கிலோ டஸ்ட் ரகம்,' என, மொத்தம், 20.08 லட்சம் கிலோ ஏலத்திற்கு வந்தது.

கடந்த ஏலத்தை ஒப்பிடுகையில், 1.97 லட்சம் கிலோ வரத்து குறைந்தது. '11.97 லட்சம் கிலோ இலை ரகம்; 3.41 லட்சம் கிலோ டஸ்ட் ரகம்,' என, மொத்தம், 15.38 லட்சம் கிலோ விற்பனையானது.

'சராசரி விலை கிலோவிற்கு, 92.47 ரூபாய்,' என, இருந்தது; சராசரி விலையில் ஒரு ரூபாய் சரிந்தது. மொத்த வருமானம், 14.23 கோடி ரூபாய் கிடைத்தது; 1.79 லட்சம் கிலோ விற்பனை சரிவு ஏற்பட்டதுடன், 2.62 கோடி ரூபாய் மொத்த வருவாய் குறைந்தது.

'டீசர்வ்' ஏலம் நீலகிரி மாவட்டத்தில் கூட்டுறவு தொழிற்சாலைகளில் உற்பத்தி செய்யும் தேயிலை துாள், 'டீசர்வ்' ஏல மைய ஏலம் விடப்படுகிறது. 1.25 லட்சம் கிலோ ஏலத்துக்கு வந்ததில், 1.15 லட்சம் கிலோ விற்பனையாகியது.

கடந்த வாரத்தை ஒப்பிடுகையில், 18 ஆயிரம் கிலோ வரத்தும், 16 ஆயிரம் கிலோ விற்பனையும், 13 ஆயிரம் ரூபாய் மொத்த வருமானமும் குறைந்தது. சராசரி விலை கிலோவிற்கு, 84 ரூபாயாக இருந்தது; கிலோவிற்கு, ஒரு ரூபாய் உயர்ந்தது. 97.10 ஆயிரம் ரூபாய் மொத்த வருவாய் கிடைத்தது.

கோவை ஏல மையத்தில், நடந்த ஏலத்தில், 5.30 லட்சம் கிலோ வந்ததில், 4.62 லட்சம் கிலோ விற்பனையானது. சராசரி விலை கிலோவிற்கு, 125.23 ரூபாயாக இருந்தது. கிலோவிற்கு, 7.87 ரூபாய் உயர்ந்தது. 5.78 கோடி ரூபாய் மொத்த வருவாய் கிடைத்தது.

கடந்த ஏலத்தை ஒப்பிடுகையில், வரத்து மற்றும் விற்பனையில் மாற்றம் இல்லாத நிலையிலும், சராசரி விலை உயர்வால், 24 லட்சம் ரூபாய் வருவாய் உயர்ந்தது.

கொச்சி ஏல மையத்தில், 11.23 லட்சம் கிலோ வந்ததில், 10.09 லட்சம் கிலோ விற்பனையானது. சராசரி விலை, 158.14 ரூபாய் என இருந்தது. 15.95 கோடி ரூபாய் மொத்த வருவாய் கிடைத்தது. சராசரி விலையில் மாற்றம் இல்லை. ஏலங்ணகளில், 56 ஆயிரம் கிலோ வரத்து அதிகரித்த போதும், விற்பனை சரிந்ததால், 1.47 கோடி ரூபாய், மொத்த வருவாய் குறைந்தது. தென் மாநில அளவில், 36.93 கோடி ரூபாய் மொத்த வருவாய் கிடைத்தது.