குன்னுார் தேயிலை ஏல மையத்தில், கடந்த வாரம், 32வது ஏலம் நடந்தது. அதில், '17.28 லட்சம் கிலோ இலை ரகம்; 4.77 லட்சம் கிலோ டஸ்ட் ரகம்,' என, மொத்தம், 22.05 லட்சம் கிலோ ஏலத்திற்கு வந்தது. 77,720 கிலோ வரத்து அதிகரித்தது.

'13.34 லட்சம் கிலோ இலை ரகம்; 3.83 லட்சம் கிலோ டஸ்ட் ரகம்,' என, மொத்தம், 17.17 லட்சம் கிலோ விற்பனையானது. கடந்த ஏலத்தை ஒப்பிடுகையில், ஒரு லட்சத்து 15 ஆயிரத்து 924 கிலோ விற்பனை குறைந்தது.

சராசரி விலை கிலோவிற்கு, 93.51 ரூபாய் என இருந்தது; சராசரி விலையில், 1.50 ரூபாய் உயர்ந்தது. மொத்த வருமானம், 16.85 கோடி ரூபாய் கிடைத்தது. விற்பனை சரிவால், 79 லட்சம் ரூபாய் குறைந்தது.

'டீசர்வ்' ஏல நிலவரம் நீலகிரியில் உள்ள கூட்டுறவு தொழிற்சாலைகளில் உற்பத்தி செய்யும் தேயிலை துாள் 'டீசர்வ்' ஏல மையத்தில் விற்பனை செய்யப்படுகிறது. அதில், 1.43 லட்சம் கிலோ வந்ததில், 1.31 லட்சம் கிலோ விற்பனையாகியது. கடந்த வாரத்தை ஒப்பிடுகையில், 69 ஆயிரம் கிலோ வரத்தும், 72 ஆயிரம் கிலோ விற்பனையும், 54 லட்சம் ரூபாய் மொத்த வருமானமும் குறைந்தது. சராசரி விலை கிலோவிற்கு, 82.96 ரூபாயாக இருந்தது; கிலோவிற்கு, 2 ரூபாய் உயர்ந்தது. 1.10 கோடி ரூபாய் மொத்த வருவாய் கிடைத்தது.

இதேபோல, கோவை ஏல மையத்தில், நடந்த ஏலத்தில், 5.28 லட்சம் கிலோ வந்ததில், 4.61 லட்சம் கிலோ என 87.35 சதவீதம் விற்பனையானது. சராசரி விலை கிலோவிற்கு, 117.36 ரூபாயாக இருந்தது; கிலோவிற்கு 3.64 ரூபாய் உயர்ந்தது. 5.42 கோடி ரூபாய் மொத்த வருவாய் கிடைத்தது. கடந்த ஏலத்தை ஒப்பிடுகையில், 54 ஆயிரம் கிலோ வரத்தும், 29 ஆயிரம் கிலோ விற்பனையும் சரிந்தது; 4 லட்சம் ரூபாய் குறைந்தது.

கொச்சி ஏல மையத்தில், 10.67 லட்சம் கிலோ வந்ததில், 9.12 லட்சம் கிலோ விற்பனையானது. சராசரி விலை 158.71 ரூபாய் என இருந்தது. 14.48 கோடி ரூபாய் மொத்த வருவாய் கிடைத்தது. கிலோவிற்கு 1.53 ரூபாய் உயர்ந்தது. 62 ஆயிரம் கிலோ வரத்து அதிகரித்தது. 9 ஆயிரம் கிலோ விற்பனை சரிந்தது. எனினும், சராசரி விலை, 3.93 ரூபாய் என உயர்ந்ததால், 50 லட்சம் ரூபாய், மொத்த வருவாய் ஏற்றம் கண்டது.

தென் மாநில அளவில், 37.85 கோடி கோடி ரூபாய் மொத்த வருவாய் கிடைத்தது. கடந்த வாரத்தை விட, 8 லட்சம் ரூபாய் வருவாய் உயர்ந்தது.