குன்னுார் தேயிலை ஏல மையத்தில், கடந்த வாரம், 31வது ஏலம் நடந்தது. அதில், '16.14 லட்சம் கிலோ இலை ரகம்; 5.14 லட்சம் கிலோ டஸ்ட் ரகம்,' என, மொத்தம், 21.28 லட்சம் கிலோ ஏலத்திற்கு வந்தது. 74 ஆயிரத்து 656 கிலோ வரத்து குறைந்தது .

'13.87 லட்சம் கிலோ இலை ரகம்; 4.47 லட்சம் கிலோ டஸ்ட் ரகம்,' என, மொத்தம், 18.34 லட்சம் கிலோ விற்பனையானது. ஒரு லட்சத்து, 41 ஆயிரத்து 799 கிலோ விற்பனை அதிகரித்தது. சராசரி விலை கிலோவிற்கு, 91.88 ரூபாய் என இருந்தது. சராசரி விலையில் மாற்றம் இல்லை. மொத்த வருமானம், 16.85 கோடி ரூபாய் கிடைத்தது. விற்பனை அதிகரிப்பால், 1.33 கோடி ரூபாய் உயர்ந்தது.

'டீசர்வ்' ஏல விபரம் நீலகிரி மாவட்ட கூட்டுறவு தொழிற்சாலைகளில் உற்பத்தி செய்யும் தேயிலை துாள், 'டீசர்வ்' ஏல மைய ஏலத்தில், 2.12 லட்சம் கிலோ வந்ததில், 2.03 லட்சம் கிலோ விற்பனையாகியது. கடந்த வாரத்தை ஒப்பிடுகையில், 13 ஆயிரம் கிலோ வரத்தும், 32 ஆயிரம் கிலோ விற்பனையும் ஏற்றம் கண்டதுடன், 26 லட்சம் ரூபாய் மொத்த வருமானமும் அதிகரித்தது. சராசரி விலை கிலோவிற்கு, 80.86 ரூபாயாக இருந்தது; கிலோவிற்கு, 80 பைசா உயர்ந்தது. 1.64 கோடி ரூபாய் மொத்த வருவாய் கிடைத்தது.

கோவை ஏல மையத்தில், நடந்த ஏலத்தில், 5.81லட்சம் கிலோ வந்ததில், 4.90 லட்சம் கிலோ விற்பனையானது. சராசரி விலை கிலோவிற்கு, 113.72 ரூபாயாக இருந்தது; கிலோவிற்கு, 2.29 ரூபாய் குறைந்தது. 5.46 கோடி ரூபாய் மொத்த வருவாய் கிடைத்தது. கடந்த ஏலத்தை ஒப்பிடுகையில், 4,000 கிலோ வரத்தும், 14 ஆயிரம் கிலோ விற்பனையும் உயர்ந்தது; 6.2 லட்சம் ரூபாய் கூடுதலானது.

கொச்சி ஏல மையத்தில், 10.05 லட்சம் கிலோ வந்ததில், 9.03 லட்சம் கிலோ விற்பனையானது. சராசரி விலை, 154.77 ரூபாய் என இருந்தது. 13.98 கோடி ரூபாய் மொத்த வருவாய் கிடைத்தது. கிலோவிற்கு, 1.53 ரூபாய் உயர்ந்தது. 4,000 கிலோ வரத்து குறைந்தது. 19 ஆயிரம் கிலோ விற்பனை மற்றும் 43 லட்சம் ரூபாய் வருவாய் உயர்ந்தது.

தென் மாநில அளவில், 37.93 கோடி ரூபாய் மொத்த வருவாய் கிடைத்தது. கடந்த வாரத்தை விட, 2.08 கோடி ரூபாய் மொத்த வருவாய் உயர்ந்தது.