இந்நிலையில், கொளப்பள்ளியில் இருந்து ஏலமன்னா வழியாக, பந்தலுார் செல்லும்போது சாலையின் ஓரத்தில் காய்ந்த நிலையில் இருந்த கற்பூர மரம் அடியோடு பெயர்ந்து சாலையின் குறுக்கே விழுந்தது. மேலும், கம்பியில் விழுந்ததால், மின் சப்ளை பாதிக்கப்பட்டதுடன், போக்குவரத்தும் பாதிக்கப்பட்டது. பாதிக்கப்பட்ட பகுதியில் கவுன்சிலர் முரளி நேரில் சென்று ஆய்வு செய்து, அந்த பகுதி இளைஞர்கள் உதவியுடன் மரத்தை வெட்டி அப்புறப்படுத்தினார். ஒரு மணி நேரத்திற்கு பின்னர் போக்குவரத்து சீரானது. மின் வாரியத்தினர் மின்கம்பிகளை சீரமைக்கும் பணியில் ஈடுபட்டனர்.