இந்நிலையில், கடந்த ஆண்டு தடுப்பணை சேதமடைந்து தண்ணீர் சேமிக்க முடியாத நிலை ஏற்பட்டுள்ளது. தடுப்பணைக்கு குளிக்க வரும் கிராம மக்கள் ஆபத்தில் சிக்கும் அபாயமும் உள்ளது. இதனால், சேதமடைந்த தடுப்பணையை சீரமைக்க வலியுறுத்தியுள்ளனர்.

விவசாயி நாராயணன் கூறுகையில், 'தடுப்பணையில் தேங்கும் தண்ணீர் நிலத்தடி நீர் உயர்வுக்கு உதவுகிறது. கோடை காலத்தில், பாசனத்திற்கும் பயன்படுகிறது. தடுப்பணை சேதமடைந்துள்ளதால் நிலத்தடிநீர் உயர்வது பாதிக்கப்படுவதுடன், கோடையில் விவசாயத்திற்கும் நீர் பற்றாக்குறை ஏற்படுகிறது. சேதமடைந்த தடுப்பணையை உடனடியாக சீரமைக்க வேண்டும்' என்றார்.