அதில், கூடலுார் வழியாக, பெங்களூரு --நிலம்பூர் இடையே இயக்கப்படும் கேரளா அரசு பஸ்சுக்கும் அனுமதி உள்ளது. அதன்படி, நேற்று முன்தினம் இரவு, 11:45 மணிக்கு நிலம்பூர் செல்லும் கேரள பஸ் பெங்களூருவில் இருந்து புறப்பட்டு கூடலுார் நோக்கி வந்துள்ளது.

அதிகாலை, 3:30 மணிக்கு, பந்திப்பூர் புலிகள் காப்பகம் வழியாக வந்து கொண்டிருந்தபோது, காட்டு யானை சாலையில் எதிரே ஆக்ரோஷமாக பஸ்சை நோக்கி வந்துள்ளது. இதனை பார்த்த பயணிகள் அச்சமடைந்தனர்.

டிரைவர் பஸ்சை நிறுத்தி விட்டு, சப்தமிடாமல் அமைதியாக இருக்கும்படி பயணிகளிடம் அறிவுறுத்தினார். பஸ் அருகே வந்த யானை, ஓட்டுனர் பகுதியில் சிறிது நேரம் நின்றது.

பின், பஸ்சை ஏதும் செய்யாமல் வனப்பகுதிக்கு சென்றது. தொடர்ந்து டிரைவர் பஸ்சை கூடலுார் நோக்கி இயக்கினார். பயணிகள் நிம்மதி அடைந்தனர்.