தினமும் மண்டகபடிதாரர்கள் 15 நாள் திருவிழாவாக, ஸ்ரீமுத்துமாரியம்மனுக்கு சந்தனக்காப்பு அலங்காரம், அபிஷேகம், ஆராதனைகள் நடைபெற்று வந்தன. 15ம் நாள் திருவிழாவான நேற்று முன் தினம் காலை முதல் பக்தர்கள் பால்குடம் எடுத்தல், குழந்தைகளுக்கு தொட்டில் கட்டுதல், காவடி எடுத்தல் போன்ற நேர்த்தி கடன்களை செலுத்தினர்.

பின், மாலை 5.00 மணிக்கு தேர்த்திருவிழா நடைபெற்றது. இதில், ஊர் பொதுமக்கள், பக்தர்கள் பலர் நான்கு ரத வீதிகளில் வாணவேடிக்கையுடன், வடம் பிடித்து தேர் இழுத்து வந்தனர்.

பல்வேறு மாவட்டங்களிலிருந்து பக்தர்கள் வந்து, முத்துமாரியம்மனை தரிசனம் செய்தனர்.