புதுக்கோட்டை மாவட்டம், கறம்பக்குடி அருகே வௌ;ளாளவிடுதியை சேர்ந்த 12ம் வகுப்பு படிக்கும், 17 வயது மாணவி, பள்ளிக்கு சென்றபோது, மீண்டும் வீடு திரும்பவில்லை என்று அவரது தாய் நேற்று முன் மழையூர் போலீஸ் ஸ்டேஷனில் புகார் அளித்தார்.

அதன்படி, போலீசார் விசாரணையில், காணாமல் போன மாணவியை மழையூர் அருகே அதிரான்விடுதியை சேர்ந்த ராஜேஷ், 20, என்பவர் ஆசை வார்த்தை கூறி கடத்திச் சென்றது தெரிந்தது.

தொடர்ந்து, மழையூர் போலீசார் மாணவியை மீட்டு வந்து, மாணவியை கடத்திச் சென்ற ராஜேஷ் மீது, போக்சோ சட்டத்தின் கீழ் வழக்கு பதிந்து, கைது செய்து நீதிமன்றத்தில் ஆஜர்படுத்தி சிறையில் அடைத்தனர்.