தற்போது தென்மேற்கு பருவக்காற்று வீசுவதால், தனுஷ்கோடி தென் கடலான மன்னார் வளைகுடா கடலில் கொந்தளிப்பு ஏற்பட்டு ராட்சத அலைகள் எழுகின்றன. இச்சூழலில் அரிச்சல்முனை தேசிய நெடுஞ்சாலை ரவுண்டானா வடக்கு பகுதியில் திடீரென 200 மீ., சுற்றளவில் மணல் திட்டு உருவாகியுள்ளது. இங்கு சுற்றுலாப் பயணியர் நின்ற படி கடல் அழகை ரசித்து ஆர்வமுடன் 'செல்பி' எடுத்தனர்.

பருவ கால மாற்றத்திற்கு ஏற்ப ஆண்டுக்கு ஒருமுறை இதுபோன்ற மணல் திட்டுகள் உருவாகும். ஆனால், அரிச்சல்முனை வடக்கில் நான்கு ஆண்டுகளுக்கு பின், மணல் திட்டு உருவாகியுள்ளது என, தனுஷ்கோடி மீனவர் உமையவேல் தெரிவித்தார்.