/
உள்ளூர் செய்திகள்
/
ராமநாதபுரம்
/
தங்கச்சிமடம் ராஜகணபதி கோயில் கும்பாபிஷேகம்
/
தங்கச்சிமடம் ராஜகணபதி கோயில் கும்பாபிஷேகம்
ADDED : ஏப் 27, 2024 04:13 AM

ராமேஸ்வரம்: தங்கச்சிமடம் ஊராட்சி ராஜா நகரில் உள்ள பழமையான ராஜகணபதி கோயிலை புதுப்பித்து திருப்பணிகள் நடந்தது. இதையடுத்து நேற்று முன்தினம் கோயில் வளாகத்தில் 1ம், 2ம் கால யாகசாலை பூஜை துவங்கியது. நேற்று 3ம் கால யாகசாலை பூஜை முடிந்ததும் பூர்ணாஹூதி பூஜை நடந்தது.
தொடர்ந்து குருக்கள் புனித நீரை கோயில் கோபுர கலசத்தில் ஊற்றி கும்பாபிஷேகம் நடத்தினர். பின்னர் அங்கு கூடியிருந்த ஏராளமான பக்தர்கள் மீது புனித நீர் தெளிக்கப்பட்டது. ராஜகணபதி மற்றும் பரிவார தெய்வங்களுக்கு தீபாராதனை நடந்தது.
தங்கச்சிமடம் பகுதியை சேர்ந்த கிறிஸ்தவர்கள்பூஜை பொருட்களுடன் பங்கேற்று சுவாமி தரிசனம் செய்தனர். பின் கோயில் வளாகத்தில் அன்னதானம் நடந்தது.

