பிளமிங்கோ, செங்கால் நாரை, கூழைக்கிடா, சிறு குருவி, குச்சி கால் நாரை, சாம்பல் நிற நாரை, நத்தைகுத்தி நாரை உள்ளிட்ட பறவைகள் இரை தேடுவதற்காக வருகின்றன. இப்பகுதியில் வரக்கூடிய வெளிநாட்டு பறவைகள் அருகே உள்ள மேலச்செல்வனுார் பறவைகள் சரணாலயத்திற்கு சென்று மரத்தில் கூடுகட்டி குஞ்சு பொரித்தவுடன் அவற்றையும் உடன் அழைத்துச் செல்வது வழக்கம்.

நடப்பாண்டில் பெய்த பருவ மழையால் இன்னும் பறவைகள் வரத்து துவங்காத நிலை உள்ளது. வாலிநோக்கம் தரவைப் பகுதியில் ஆஸ்திரேலியா, ஆப்பிரிக்கா, இலங்கை உள்ளிட்ட பகுதியில் இருந்து வரக்கூடிய வெளிநாட்டு பறவைகளை பார்ப்பதற்கு ஏராளமான சுற்றுலாப் பயணிகள் வருகின்றனர்.