பரமக்குடி நகரில் வாகன உரிமையாளர்கள் தங்களது வாகனங்களை வைகை ஆறு சர்வீஸ் ரோடு உட்பட வீட்டின் முன்பு மற்றும் ரோட்டோரங்களில் நிறுத்தி வைப்பது வழக்கம்.

இந்நிலையில் நேற்று முன்தினம் இரவு வைகை ஆறு சர்வீஸ் ரோடு, பாரதி நகர், வைகை நகர் உள்ளிட்ட பகுதிகளில் வாகனங்களை நிறுத்தி இருந்தனர்.

தொடர்ந்து மர்ம நபர்கள் 7 வாகனங்களின் முன்பக்க மற்றும் பக்கவாட்டு கண்ணாடிகளை உடைத்துள்ளனர். இது குறித்து வாகன உரிமையாளர்கள் புகாரில், சி.சி.டி.வி., பதிவுகளை ஆய்வு செய்து டவுன் மற்றும் எமனேஸ்வரம் போலீசார் விசாரிக்கின்றனர்.