இ.நெடுங்குளத்தில் கிராமத்தில் 100க்கும் மேற்பட்ட குடும்பங்கள் வசிக்கின்றனர். இப்பகுதியில் குற்ற சம்பவங்களை தடுப்பதற்காகவும், போலீசுக்கு உதவியாகவும் கிராமம் சார்பில் 'சிசிடிவி' கேமரா அமைக்கப்படும் என்று கூட்டத்தில் முடிவு செய்யப்பட்டது.

இதையடுத்து கிராமம் முழுவதும் கண்காணிப்பதற்காக 5 'சிசிடிவி' கேமரா அமைக்கப்பட்டுள்ளது. அதன் திறப்பு விழா, கண்காணிப்பு அறையை முதுகுளத்துார் டி.எஸ்.பி., சண்முகம் திறந்து வைத்தார். உடன் இன்ஸ்பெக்டர் செல்வராஜ், கிராம மக்கள் பலர் பங்கேற்றனர்.