ராமர், சீதை, லட்சுமணன் மூலவராக அருள்பாலிக்கும் கோயிலின் எதிரில் கருடன் உள்ளார். மேலும் ஆஞ்சநேயர் புளிய மரத்தில் குடிகொண்டு புனிதப்புளி ஆஞ்சநேயராக பக்தர்கள் மரத்தை வழிபாடு செய்கின்றனர்.

இங்குள்ள கொடிமரத்தில் நேற்று காலை 11:45 மணிக்கு கருடக் கொடி ஏற்றப்பட்டது. பின்னர் கொடிமரத்திற்கு அனைத்து வகையான அபிஷேகங்கள் நடந்து தீபாராதனை காண்பிக்கப்பட்டது.

இரவு ராமர் வாமன அவதாரத்தில் வீதி உலா வந்தார். ஒவ்வொரு நாளும் காளிங்க நர்த்தனம், பாண்டுரங்கன், கூடலழகர், கள்ளழகர், தவழும் கண்ணன், 2 கருட சேவை, யானை வாகனத்தில் உலா வர உள்ளார்.

ஏப்.,5ல் பாயாச கட்டளை, ஏப்.,6ல் ராம நவமி, மறுநாள் சீதா திருக்கல்யாணம் நடக்கிறது. ஏப்.,9 இரவு ஆஞ்சநேயர் புஷ்ப அலங்காரத்தில் வீதி உலா வருகிறார்.

---