ஏப்.,6ல் பாம்பன் புதிய ரயில் பாலத்தை பிரதமர் மோடி திறந்து வைக்க உள்ளார். அன்று மதியம் 12:45 மணிக்கு பாம்பன் தேசிய நெடுஞ்சாலை பாலத்தில் நின்றபடி கொடியசைத்து தாம்பரம்- ராமேஸ்வரம் புதிய ரயில் போக்குவரத்தை துவக்கி வைக்கிறார்.

மேலும் புதிய, பழைய ரயில் பாலத்தின் இரு துாக்கு பாலம் திறந்ததும், இந்திய கடலோர காவல் படையின் ரோந்து கப்பல் கடந்து செல்வதை பார்வையிட உள்ளார். இதற்கான ஒத்திகை இன்று காலை 10:00 முதல் மதியம் 1:00 மணி வரை நடக்க உள்ளது.

இச்சமயத்தில் விசைப்படகு, நாட்டுப்படகு மீனவர்கள் பாலத்தை கடந்து செல்ல வேண்டாம்.மீறினால் மீன்வளத்துறை மற்றும் ரயில்வே நிர்வாகம் மூலம் நடவடிக்கை எடுக்கப்படும் என மீன்வளத்துறையினர் தெரிவித்தனர்.