இலங்கை நெடுந்தீவு அருகே அந்நாட்டு கடற்படை வீரர்கள் ரோந்து சென்றனர். அப்போது சந்தேகத்திற்கிடமளிப்பதாக இலங்கை பைபர் கிளாஸ் படகை பிடித்து சோதனையிட்டனர். அதில் 210 கிலோ கஞ்சா பார்சல்கள் இருந்தன. அதனை பறிமுதல் செய்த இலங்கை கடற்படை வீரர்கள் படகில் இருந்த அந்நாட்டு கடத்தல்காரர்கள் இருவரை கைது செய்தனர்.

பின் இலங்கை வீரர்கள் படகையும், கஞ்சா பார்சல்களையும் காங்கேசன்துறை கடற்படை முகாமிற்கு கொண்டு சென்றனர். இந்த கஞ்சா பார்சல்களை ராமநாதபுரம், புதுக்கோட்டை மாவட்டம் கடலோரப்பகுதியில் இருந்து நாட்டுப்படகில் கடத்திச் சென்று இலங்கை கடத்தல்காரர்களிடம் ஒப்படைத்துள்ளனர். அவர்களை தமிழக போலீசார் விசாரிக்கின்றனர்.