* நலம் நம் கையில் பாகம் 1 நம் ஆரோக்கியத்தை நாமே காப்பாற்றிக்கொள்ளலாம் எனும் நம்பிக்கையைத்தரும் மருத்துவ பெட்டகம் இது. இதயம் காக்க, சிறுநீரகம் காக்க, புற்று நோய்க்கு ஒரு முற்றுப்புள்ளி, மூட்டு வலிக்கு முடிவு கட்டுவோம். மாரடைப்பு, பக்கவாதம், உயர் ரத்த அழுத்தம் போன்ற ஆபத்தான நோய்களை தவிர்க்கும் மருத்துவ ரகசியங்களை விவரித்து உங்கள் நலம் காக்க உதவும் மருத்துவக்கையேடு இது. ஆசிரியர்: கு.கணேசன். பதிப்பகம்: தாமரை பிரதர்ஸ் மீடியா பிரைவேட் லிமிடெட். விலை: ரூ.190.--------

* நீர்வழிப்படூஉம்

தமிழகத்தில் இதுவரை இடம் பெற்றுள்ள கதை மாந்தர்களில் தனித்துவமான ஒருவர் எனக் காருமாமாவைச் சொல்ல முடியும். வர விருக்கும் தலைமுறைகளாலும் மறக்க முடியாததாகத் திகழவிருக்கும் காருமாமாவின் மரணத்தோடு நாவல் தொடங்குகிறது. காருமாமா என்ற ஒற்றை மனிதனை மையமாக வைத்தே நாவல் பின்னப்பட்டிருந்தாலும் அவர் சார்ந்த அவர் வாழ்ந்து வந்த குடிநாவிதர் சமூகத்தின் மற்ற எல்லா மனிதர்களின் கதைகளாகவும் விரிவாக சொல்கிறது. ஆசிரியர்: தேவிபாரதிபதிப்பகம்: நற்றினை விலை: ரூ.250. -----------