இந்திய தேர்தல் கமிஷன் அறிவிப்பின் படி தமிழகம் முழுவதும் சிறப்பு தீவிர திருத்த பணிகள் இன்று (நவ.,4) துவங்கு கிறது. திருவாடானை சட்டசபை தொகுதியில் 1 லட்சத்து 50 ஆயிரத்து 520 ஆண்கள், 1 லட்சத்து 52 ஆயிரத்து 106 பெண்கள், 25 திருநங்கைகள் என 3 லட்சத்து 2651 வாக்காளர்கள் இடம் பெற்றுள்ளனர்.

இது குறித்து வாக்காளர் பதிவு அலுவலர்கள் கூறியதாவது:

இந்திய தேர்தல் கமிஷன் அறிவிப்பின் படி தமிழகம் முழுவதும் சிறப்பு தீவிர திருத்த பணிகள் இன்று முதல் துவங்கியுள்ளது. இதற்கான கணக்கெடுப்பு தொடர்பான பணிகள் மேற்கொள்வது குறித்து ஓட்டுச்சாவடி நிலை அலுவலர்களுக்கான பயிற்சி ஏற்கனவே அளிக்கப்பட்டு உள்ளது. பி.எல்.ஓ.,க்கள் வீடு தேடி வருவார்கள்.

வாக்காளரும் பி.எல்.ஓ.,க்களை அழைத்து விபரம் கேட்கலாம். வாக்காளர்களிடம் பி.எல்.ஓ.,க்கள் கனிவாக நடந்து விபரங்களை சேகரிக்க வேண்டும் என அறிவுறுத்தப்பட்டுள்ளது. தகுதியுள்ள ஒரு வாக்காளர் கூட பட்டியலில் இருந்து நீக்கப்பட்டு விடக்கூடாது என்பதில் கவனமாக செயல்பட்டு வருகிறோம் என்றனர்.