பரமக்குடி பஸ் ஸ்டாண்ட் துவங்கி பெரிய பஜார் உள்ளிட்ட பகுதிகளில் கடைகளை கட்டுவோர் ரோட்டை ஆக்கிரமித்துள்ளனர். இதே போல் தெருக்களில் பொருட்களை வைத்து வியாபாரம் செய்யும் நிலை அதிகரித்துள்ளது. மேலும் கடந்த மாதங்களில் சப்-கலெக்டர் அபிலாஷா கவுர் நடவடிக்கை எடுக்கப்படும் எனக் கூறி ஆய்வு நடத்தினார். இதனை சுட்டிக்காட்டி ஜன. 21ல் தினமலர் நாளிதழில் செய்தி வெளியானது.

தொடர்ந்து நேற்று மாலை 5:00 மணிக்கு தாசில்தார் சாந்தி தலைமையிலான வருவாய்த் துறையினர் ரோட்டோரங்களில் ஆக்கிரமிப்பு செய்திருந்த வியாபாரிகளை எச்சரித்தனர். இச்சூழலில் வரும் நாட்களில் முறையாக ஆக்கிரமிப்புகளை அகற்ற ஆவண செய்ய வேண்டும் என மக்கள் கோரிக்கை விடுத்தனர்.