முதுகுளத்துார்: முதுகுளத்துார் ஆப்பநாடு மறவர் சங்கம் சார்பில் பசும்பொன் முத்துராமலிங்கத்தேவர் குருபூஜை விழாவை முன்னிட்டு பால்குடம் ஊர்வலம் நடந்தது. இதனை முன்னிட்டு பஸ் ஸ்டாண்ட் அருகில் உள்ள தேவர் சிலை முன்பு கணபதி ஹோமம், யாகசால பூஜைகள், வேத மந்திரங்கள் கூறி சிறப்பு பூஜைகள் நடந்தது. பின் முதுகுளத்துார் சுப்பிரமணியசுவாமி கோயிலில் இருந்து பொதுமக்கள் ஏராளமானோர் 1008 பால்குடம் எடுத்து காந்தி சிலை,தேரிருவேலி முக்கு ரோடு உள்ளிட்ட பகுதிகள் வழியாக பஸ் ஸ்டாண்ட் வரை ஊர்வலமாக வந்தனர்.