பெருங்குளம்- இருட்டூரணி கிராமங்களின் இணைப்பு சாலை கல் சாலையாக உள்ளது. கற்களால் வாகனங்களின் டயர் சேதமடைவதால் ஆட்டோ, டாக்ஸி டிரைவர்கள் வர மறுக்கின்றனர். அப்பகுதியில் தார் சாலை அமைக்க வேண்டும்.

-ஏ.முருகேசன், இருட்டூரணி.

பகலில் எரியும் தெருவிளக்கு

பட்டணம்காத்தான் ஆத்மநாதசாமி கார்டன் பகுதியில் உள்ள தெருவிளக்குகள் பகலில் தொடர்ந்து எரிகிறது. இதனால் விரைவில் பழுதாக வாய்ப்பு உள்ளது. தெருவிளக்குகளை முறையாக பராமரிக்க நடவடிக்கை எடுக்க வேண்டும்.

-எஸ். சங்கர், பட்டணம்காத்தான்.

குழாய்களால் இடையூறு

ராமநாதபுரம் அரண்மனைக்கு செல்லும் வழியில் போக்குவரத்திற்கு இடையூறாக 4 மாதங்களாக குழாய்கள் உள்ளன. அவற்றை வேறு இடத்திற்கு கொண்டு செல்ல சம்பந்தப்பட்ட அதிகாரிகள் நடவடிக்கை எடுக்க வேண்டும்.

- கே.ஆர்.பன்னீர்செல்வம், ராமநாதபுரம்.

குண்டும் குழியுமான ரோடு

மண்டபம் பேரூராட்சி ஜமீன் சத்திரம் தெருவில் ரோடு சேதமடைந்துள்ளதால் மழைநீர் தேங்குகிறது. வாகன ஓட்டிகள் சிரமப்படுகின்றனர். ரோட்டை சீரமைக்க அதிகாரிகள் நடவடிக்கை எடுக்க வேண்டும்.

-எம்.ராமநாதன், மண்டபம்.

மண்சாலையில் அவதி

பேராவூர் ஊராட்சி காட்டூரணி வடக்கு தெருவில் மண் சாலையாக உள்ளதால் மழை நேரத்தில் மக்கள் சிரமப்படுகின்றனர். தெரு விளக்குகள் இல்லாததால் விஷ ஜந்துக்களின் நடமாட்டத்தால் மக்கள் அச்சப்படுகின்றனர்.

-எஸ்.செல்வம், காட்டூரணி, ராமநாதபுரம்.