குற்றாலம், ஏற்காடு, மூணாறு, கொடைக்கானல் உள்ளிட்ட மலைப்பகுதிகளில் வாட்டர் ஆப்பிள் விளைவிக்கப்படுகிறது. பொதுவாக மார்ச்சில் சீசன் துவங்கிய போதும் மே, ஜூன் மாதங்களில் இதன் விளைச்சல் அதிகரிக்கும்.

வாட்டர் ஆப்பிள் பழத்தில் வைட்டமின்கள், தாதுக்கள், நார்ச்சத்து, புரதங்கள் போன்ற அத்தியாவசிய ஊட்டச்சத்துக்கள் உள்ளன. மேலும் கோடை என்பதால் இப்பழங்களை குற்றாலத்தில் இருந்து மொத்தமாக வாங்கி வந்து ராமநாதபுரத்தில் பழத்தின் அளவு, தரத்திற்கு ஏற்றவாறு கிலோ ரூ.80 முதல் ரூ.100க்கு விற்கப்படுகிறது.

மக்கள் ஆர்வத்துடன் வாங்குகின்றனர். இதுவே சீசன் இல்லாத மாதங்களில் அதிகபட்சமாக கிலோ ரூ.300 வரை விற்கும் என வியாபாரிகள் தெரிவித்தனர்.