திருவாடானை சட்டசபை தொகுதியில் நவ.16, 17ல் சிறப்பு முகாம் நடந்தது. தேர்தல் அலுவலர்கள் கூறியதாவது:

திருவாடானை தொகுதியில் 247 ஓட்டுச்சாவடிகள் உள்ளன. ஜன.1ம் தேதி 18 வயது பூர்த்தியாகும் இளம் வாக்காளர் அனைவரையும் தவறாமல் பட்டியலில் இணைக்கும் வகையில் நவ.16, 17 தேதிகளில் சிறப்பு முகாம்கள் நடந்தது.

இதில் 567 இளம் வாக்காளர்கள் தங்கள் பெயர் வாக்காளர் பட்டியலில் இடம் பெற விண்ணப்ப மனுக்கள் கொடுத்தனர். விடுபட்டவர்கள் நவ.23, 24ம் தேதிகளில் நடைபெறும் சிறப்பு முகாம்களில் கலந்து கொண்டு வாக்காளர் பட்டியலில் பெயர் சேர்த்தல், நீக்கம், திருத்தத்திற்கான விண்ணப்பங்களை பூர்த்தி செய்து வழங்கலாம் என்றனர்.