இந்நிலையில் கடந்த ஏப்.,19ல், அவினேஷ்குமார் கத்தியால் வெட்டியதில், பலத்த காயமடைந்த சுதாகர் சிகிச்சை பெற்று வீடு திரும்பினார். இந்த வழக்கில் அரக்கோணம் டவுன் போலீசார், அவினேஷ்குமாரை கைது செய்தனர். தற்போது ஜாமினில் ரத்தினகிரி போலீஸ் ஸ்டேஷனில் கையெழுத்திட்டு வந்தார். கையெழுத்திட நேற்று காலை, 10:00 மணியளவில் நடந்து சென்றார். அப்போது சுதாகர் உள்ளிட்ட நான்கு பேர் அவரை வழிமறித்து, கத்தியால் சரமாரியாக வெட்டியதில் படுகாயமடைந்தார். வேலுார் அடுக்கம்பாறை அரசு மருத்துவமனையில் சேர்க்கப்பட்ட நிலையில் இறந்தார். இந்நிலையில் சுதாகர் உள்ளிட்ட நான்கு பேரும், ரத்தினகிரி போலீசில் சரணடைந்தனர். போலீஸ் ஸ்டேஷனில் இருந்து, 300 மீட்டர் துாரத்துக்குள் நடந்த சம்பவத்தால், அப்பகுதி மக்கள் பலத்த அதிர்ச்சி அடைந்தனர்.