பிரம்ம தீர்த்தம் என்படும் தக்கான் குளம், மலையடிவாரத்தில் அமைந்துள்ளது. உற்சவ மூர்த்தியான பக்தோசித பெருமாள், சோளிங்கர் நகரில் அருள்பாலித்து வருகிறார். யோக நிலையில் உள்ள நரசிம்ம சுவாமி, கார்த்திகை மாதத்தில் கண் திறந்து பக்தர்களுக்கு அருள்பாலிக்கிறார் என்பது ஐதீகம். இதனால், கார்த்திகை மாதத்தில் மலைக்கோவிலில் சிறப்பு வழிபாடு நடத்தப்பட்டு வருகிறது.

இந்நிலையில், ஐப்பசி மாதம், அவதரித்த மணவாள மாமுனிகளின் உற்சவம், பக்தோசித பெருமாள் கோவிலில் இன்று 27 ம் தேதி துவங்குகிறது. வரும் 5ம் தேதி வரை தொடர்ந்து இந்த உற்சவம் நடைபெற உள்ளது.

மேலும், வரும் 31ம் தேதி தீபாவளியை ஒட்டி பக்தோசித பெருமாள் கோவிலில் சிறப்பு வழிபாடு நடைபெற உள்ளது என அறநிலைய துறை அதிகாரிகள் தெரிவித்துள்ளனர்.