இங்கு 1,305 படிக்கள் கொண்ட யோகநரசிம்ம சுவாமி மலைக்கோவிலுக்கு கடந்த ஆண்டு மார்ச்சில், ரோப்கார் சேவை துவங்கப்பட்டது. தினசரி ஆயிரத்திற்கும் மேற்பட்டோர் ரோப்கார் வாயிலாக மலைக்கோவிலுக்கு சென்று சுவாமி தரிசனம் செய்து வருகின்றனர். காலை 8:30 மணி முதல் மாலை 4:00 மணி வரை ரோப்கார் சேவை செயல்பட்டு வருகிறது.

இந்நிலையில் நேற்று காலை சோளிங்கர் பகுதியில் கடும் பனிமூட்டம் நிலவியது. யோகநரசிம்ம சுவாமி அருள்பாலிக்கும் பெரியமலை, பனிமூட்டத்தால் சூழப்பட்டிருந்தது. இதனால் ரோப்கார் சேவை பாதிக்கப்பட்டது.

காலை 10:00 மணிக்கு மேல் பனிமூட்டம் விலகியதும் ரோப்கார் சேவை துவங்கியது.

தொட்டாச்சாரியார் உற்சவம்: யோகநரசிம்மரின் உற்சவ மூர்த்தியான பக்தோசித பெருமாள், சோளிங்கர் நகரில் அருள்பாலிக்கிறார். பக்தோசித பெருமாள் கோவிலில் 16ம் தேதி முதல் 25ம் தேதி வரை தொட்டாச்சாரியார் உற்சவம் நடக்கிறது.