இதனால் ஆற்றை சார்ந்த வீரபாண்டி, ஆட்டையாம்பட்டி, காகாபாளையம், மல்லசமுத்திரம் பகுதி விளைநிலங்களில் உப்புத்தன்மை அதிகமாகி மண்வளம் அழிந்து சோளம், தென்னை தவிர இதர பயிர்கள் செய்ய முடியவில்லை' என, குப்பனுார் விவசாயி செல்வராஜ் குற்றம்சாட்டினார்.

அதனால் கலெக்டர் பிருந்தாதேவி, மாநகராட்சியின் அம்மாபேட்டை மண்டலம் வெள்ளைக்குட்டை கழிவுநீர் சுத்திகரிப்பு நிலையத்தில் நேற்று ஆய்வு செய்தார்.

தொடர்ந்து கழிவுநீரை சுற்றுச்சூழலுக்கு பாதிப்பு இல்லாதபடி சுத்திகரித்து வெளியேற்றவும், சுத்திகரித்த நீரை எந்த தடையின்றி எளிதாக வெளியேற்றவும், தேவையான நீர்வழிப்பாதைகளை துார்வாரும் பணியை முறையாக மேற்கொள்ளவும் அதிகாரிகளுக்கு உத்தரவிட்டார். மேலும் மாசு கட்டுப்பாடு வாரிய வழிகாட்டு நெறிமுறைப்படி சுத்திகரிப்பு நிலையத்தை இயக்க அறிவுறுத்தினார்.