அதில், 3 முதல், 5 மாதங்கள் முடிந்த வயல்களில், தற்போது விளைச்சல் அடைந்து, இயந்திரம், கூலித்தொழிலாளர்களை பயன்படுத்தி, அறுவடை செய்யும் பணியில் விவசாயிகள் ஈடுபட்டுள்ளனர்.

இதுகுறித்து சென்றாயனுார் விவசாயி கோபால் கூறியதாவது:ஒரு ஏக்கர் நெல் சாகுபடிக்கு நாற்றங்கால் அமைத்தல், பயிர் நடவு, உரமிடுதல், களை எடுத்தல், அறுவடை உள்ளிட்டவை என, 40,000 ரூபாய் வரை செலவாகிறது. நெல் நன்கு விளைந்து மகசூல் தந்தால், ஏக்கருக்கு, 75 கிலோவில், 30 முதல், 40 மூட்டை மகசூல் கிடைக்கும்.

இந்த ஆண்டு, நெல் குருத்துவிடும்போது மழை பெய்ததோடு, நோய் தாக்குதலால் மகசூல் குறைந்தது. இதனால், 17 மூட்டைகள் வீதமே, மகசூல் கிடைத்துள்ளது. வியாபாரிகள், 75 கிலோ மூட்டையை, 1,800 முதல், 2,000 ரூபாய் வரை விலை கொடுத்து வாங்கிச்செல்கின்றனர்.

இவ்வாறு அவர் கூறினார்.