மகுடஞ்சாவடி: வேம்படிதாளத்தில் உள்ள திருவளிப்பட்டியில், பத்ரகாளியம்மன் கோவில் உள்ளது. கும்பாபிஷேகத்தை முன்னிட்டு நேற்று அதிகாலை, 4:10 மணியளவில் கணபதி வழிபாடு, லஷ்மி பூஜை, நவவிநாயகர் வழிபாடு நடந்தது. நேற்று காலை, 7:00 மணியளவில் கஞ்சமலை சித்தர்கோவிலுக்கு வந்த பக்தர்கள், கிணறுகளில் நீராடி தாங்கள் கொண்டு வந்த குடங்களில், புனித தீர்த்தத்தை நிரப்பி குடங்களுக்கு சந்தனம், குங்குமம் இட்டு மாலை சூடினர். பின், கோவில் சிவாச்சாரியார் தீர்த்தக்குடங்களுக்கு சிறப்பு பூஜை செய்தார்.