சேலம் : சேலம், கோட்டை மாரியம்மன் கோவிலில் ஆடி திருவிழா நேற்று பூச்சாட்டுதல் நிகழ்ச்சியுடன் தொடங்கியது. இதற்கு ஏராள-மான பக்தர்கள், 10 டன் அளவில் அரளி, சாமந்தி, ரோஜா உள்-ளிட்ட வாசனை மலர்களை ஊர்வலமாக எடுத்து வந்தனர். கோவிலில் சிறப்பு பூஜை, அர்ச்சனை நடந்தது. பின் மேளதாளம் முழங்க, தீபாராதனைக்கு பின் பூச்சாட்டுதல் நிகழ்ச்சி நடந்தது. அதில் பல்வேறு இடங்களில் இருந்து வந்த பக்தர்கள், கூடை கூடையாய், அம்மனுக்கு பூக்களை சமர்ப்பித்தனர். அந்த பூக்கள் அம்மன் மீது துாவி பூஜை செய்யப்பட்டது. ஏராளமான பக்தர்கள் வழிபட்டனர்.