தலைவாசல் அருகே, வீரகனுார், ராயர்பாளையம் பகுதியை சேர்ந்தவர் பொன்னுசாமி, 62. அரசு பஸ் டிரைவராக பணிபுரிந்து ஓய்வு பெற்ற இவர், நேற்று கெங்கவல்லியில் இருந்து, தெடாவூர் வழியாக வீரகனுார் நோக்கி 'டிவிஎஸ் - பீனிக்ஸ்' பைக்கில் சென்றுள்ளார்.

நேற்று இரவு, 7:30 மணியளவில், தெடாவூர் பஸ் ஸ்டாப் வழியாக வந்த, அடையாளம் தெரியாத வாகனம், பைக் மீது மோதியது. இந்த விபத்தில், பைக் ஓட்டி வந்த பொன்னுசாமி, சம்பவ இடத்திலேயே உயிரிழந்தார். கெங்கவல்லி போலீசார் விசாரணை நடத்தி வருகின்றனர்.