அங்கிருந்து ஆத்துார், தலைவாசல், பெத்தநாயக்கன்பாளையம் தாலுகாவுக்கு, ரேஷன் அரிசி உள்ளிட்ட பொருட்கள் லாரிகளில் கொண்டு செல்லப்படுகின்றன. சின்னசேலத்தில் இருந்து ஆத்துார் கிடங்குக்கு லாரிகளில் ரேஷன் அரிசி மூட்டைகள், நேற்று முன்தினம் இரவு, 11:00 மணிக்கு கொண்டுவரப்பட்டன. மந்தைவெளி வழியே சென்றபோது, ரயில்வே பால பகுதியில் மூட்டை மீது கட்டப்பட்டிருந்த கயிறு அறுந்து, 20க்கும் மேற்பட்ட அரிசி மூட்டைகள் விழுந்தன. மூட்டைகளில் இருந்து சாலையில் அரிசி சிதறியது. பின் டிரைவர், மூட்டைகளை லாரியில் ஏற்றிச்சென்றார்.