இதுகுறித்து ஊரக வளர்ச்சித்துறை செயற்பொறியாளர் சேகரிடம் கடிந்து கொண்ட கலெக்டர், எப்போது பணி தொடங்கியது, எப்போது முடிப்பீர்கள், பணியாட்கள் எங்கே, ஒப்பந்ததாரர் யார் உள்ளிட்ட விபரங்களை கேட்டறிந்தார். துாண்களில் இணைக்கப்பட்டுள்ள கம்பிகளின் எண்ணிக்கையை கணக்கெடுத்த அவர், 4 மாதங்களுக்குள் கட்டுமான பணியை முடிக்க உத்தரவிட்டார்.

தொடர்ந்து, வீரபாண்டி, அக்கரபாளையம், எட்டிமாணிக்கம்பட்டி, முருங்கப்பட்டி, மூடுதுறை ஊராட்சிகளில் நடந்து வரும் பல்வேறு பணிகளை ஆய்வு செய்தார். ஊரக வளர்ச்சித்துறை உதவி செயற்பொறியாளர் ராஜேஸ்வரி, வீரபாண்டி ஒன்றிய கமிஷனர் சந்திரமலர், பி.டி.ஓ., தனபால் (கி.ஊ.,) உள்ளிட்ட அதிகாரிகள் உடனிருந்தனர்.