சேலம் காகாபாளையம் அருகே, ராக்கிப்பட்டி செங்கோடம்பாளையத்தில் பழமையான சென்றாய பெருமாள் மலைக்கோவில் உள்ளது. இதை புதுப்பித்து நாளை (மே 29) கும்பாபி ேஷகம் நடத்தப்படவுள்ளது. முகூர்த்த கம்பம் கடந்த, 19ல் நடப்பட்டது. நேற்று காலை 4:30 மணிக்கு சேனை முதலியார், மகா சுதர்சன யாகத்துடன் விழா முறைப்படி துவங்கியது.

காலை, 7:00 மணிக்கு அருகிலுள்ள ராமர் கோவிலில் இருந்து தீர்த்தக்குட ஊர்வலம் மேள தாளம் வாண வேடிக்கைகளுடன் துவங்கியது. ஏராளமான பக்தர்கள் புனிதநீர் நிரம்பிய கலசங்களை தலையில் சுமந்து ஊர்வலமாக கோவிலுக்கு வந்தனர்.

முக்கிய நிகழ்ச்சியான கும்பாபி ேஷகம் நாளை காலை, 6:15க்கு மேல், 7:15 மணிக்குள் கோபுர கலசத்துக்கும், மூலவர் சென்றாய பெருமாளுக்கும் யாகத்தில் வைத்து பூஜித்த புனிதநீர் ஊற்றி கும்பாபி ேஷகம் நடத்தப்படும்.