அணையில் இருந்து பாசனத்துக்கு காவிரியில், 12,000, கால்வாயில், 500 என, 12,500 கனஅடி நீர் திறக்கப்பட்டது. வரத்தை விட திறப்பு கூடுதலாக உள்ளதால், ஆக., 20ல், 120 அடியாக இருந்த அணை நீர்மட்டம், நேற்று முன்தினம், 119.76 அடி, நேற்று, 119.46 அடியாக சரிந்தது.

கர்நாடகாவின் கே.ஆர்.எஸ்., அணைக்கு நேற்று வினாடிக்கு, 8,122, கபினிக்கு, 2,966 கனஅடி நீர் வந்தது. இதில், கே.ஆர்.எஸ்.,ல் கால்வாய் நீர்திறப்பு போக, 5,500, கபினியில், 1,500 என, 7,000 கனஅடி நீர் காவிரியில் திறக்கப்பட்டது.

மின் உற்பத்தி சரிவு

மேட்டூர் அணை அடிவாரம் உள்ள அணை, சுரங்க மின்நிலையங்களில், 50, 200 என, 250 மெகாவாட்; காவிரி குறுக்கே உள்ள, 7 கதவணை மின் நிலையங்களில் தலா, 30 வீதம், 210 மெகாவாட் மின்சாரம் உற்பத்தி செய்யலாம்.

ஆனால், கடந்த, 1 -முதல் 6; 12 முதல் 14; மற்றும் 17ம் ஆகிய, 10 நாட்கள் காவிரியில் வினாடிக்கு, 21,500 கனஅடி நீர் திறக்கப்பட்டது. இதனால் அணை, கதவணை நிலையங்களில் முழுமையாக, 460 மெகாவாட் மின்சாரம் உற்பத்தி செய்யப்பட்டது.

கடந்த, 3 நாட்களாக அணையில் இருந்து வினாடிக்கு, 12,000 கனஅடி நீர், டெல்டா பாசனத்துக்கு திறக்கப்பட்டது. இதனால், அணை, கதவணைகளில், 120 மெகாவாட், கதவணை மின் நிலையங்களில், 22 முதல், 24 மெகாவாட் வீதம் என மொத்தம், 274 முதல், 288 மெகாவாட் மின்சாரம் உற்பத்தி செய்யப்பட்டது.