மகுடஞ்சாவடி:சேலம் மாவட்டம் மகுடஞ்சாவடி, சொரியம்பட்டி ஏரியில் கடந்த, 25ல் லாரிகளில் மண் அள்ளி, அதை ஒரு லோடு 8,000 ரூபாய் வரை விற்பதாக, மகுடஞ்சாவடி ஊராட்சி தலைவர் மேகலா குற்றம்சாட்டினார். இதையடுத்து சொரியம்பட்டி, நம்பியாம்பட்டி, கஸ்பாபட்டி, பாட்டப்பன் நகர் ஆகிய ஏரிகளில் விதிகளை பின்பற்றாமல், 15 அடி ஆழத்துக்கு மண் அள்ளியதால் ஊராட்சி நிர்வாகம் சார்பில், மேற்கண்ட ஏரிகளில் மண் அள்ள தடை விதித்துள்ளது. மீறினால் வாகனம் சிறைபிடிக்கப்பட்டு உரிமம் ரத்து செய்யப்படும் என எச்சரித்து பேனர் வைக்கப்பட்டுள்ளது.