நேற்று, 35,909 பேர் தேர்வு எழுதினர். 10,947 பேர் வரவில்லை. 162 தலைமை கண்காணிப்பாளர், 46 நடமாடும் கண்காணிப்பு குழு, 14 பறக்கும் படையினர், கண்காணிப்பு பணியில் ஈடுபட்டனர். சேலம் குளுனி பள்ளியில் நடந்த தேர்வை, கலெக்டர் பிருந்தாதேவி பார்வையிட்டார்.

விழிப்புணர்வு போட்டி154 மாணவர்கள் பங்கேற்பு

சேலம்: ஜெனீவா ஒப்பந்த நாளை முன்னிட்டும், 75வது ஆண்டை கொண்டாடும்படியும் சேலம் மாவட்ட இளைஞர் செஞ்சிலுவை சங்கம் சார்பில் கொண்டலாம்பட்டி சவுடேஸ்வரி கல்லுாரியில், மாணவ, மாணவியருக்கு நேற்று முன்தினம், மாவட்ட அளவில் விழிப்புணர்வு போட்டிகள் நடத்தப்பட்டன. 14 கல்லுாரிகளில் இருந்து, 154 மாணவ, மாணவியர் பங்கேற்றனர்.

ரத்த தானம் குறித்த பேச்சு போட்டி, கட்டுரை, ஓவியம், வினாடி - வினா போட்டிகள் நடத்தப்பட்டன. முதல் மூன்று இடங்களை பிடித்தவர், மாநில போட்டிக்கு தேர்வாகினர். விழாவில் பெரியார் பல்கலை இளைஞர் செஞ்சிலுவை சங்க மண்டல ஒருங்கிணைப்பாளர் பத்மசேகரன், மாவட்ட அமைப்பாளர் வடிவேல் பங்கேற்றனர்.