அந்த ஏரி நிரம்பி உபரிநீர், கால்வாயில் பச்சை நிறத்தில் வழிந்தோடுகிறது. உபரிநீரை பயன்படுத்தி, சுற்று வட்டாரங்களில், 300 ஏக்கருக்கு மேல் விவசாயம் செய்யப்படுகிறது. கழிவால் நிறம் மாறிய தண்ணீரால் பயிர்களை நோய் தாக்கி, மகசூல் பாதிக்கும் அபாயம் உள்ளது. அதனால், ஆற்றில் சாயம் உள்ளிட்ட ரசாயன கழிவு கலப்பதை தடுக்க, அதிகாரிகள் நடவடிக்கை எடுக்க வேண்டும் என இப்பகுதியினர் வலியுறுத்தியுள்ளனர்.