சேலம்: இளம்பிள்ளை அருகே சித்தர்கோவில் அடிவாரத்தில் உள்ள லகு-வம்பட்டி ஏரிக்கரையில், 10 மயில்கள் செத்து கிடப்பதாக நேற்று மாலை, இரும்பாலை போலீசாருக்கு தகவல் கிடைத்தது. அங்கு சென்ற பின் போலீசார் கொடுத்த தகவல்படி, வனத்துறையினர் சென்று, இறந்து கிடந்த, 10 மயில்களின் உடல்களை எடுத்து வந்து, கால்நடைத்துறையிடம் ஒப்படைத்து இறப்புக்கான காரணம் குறித்து அறிக்கை கேட்டனர்.