சேலம்: திருச்சி மாவட்டம் முசிறி அருகே பூதப்படியை சேர்ந்த, லாரி டிரைவர் வடிவேல், 43. இவர் நேற்று முன்தினம் நள்ளிரவு, 12:00 மணிக்கு, சரக்கு லாரியில் நாமக்கல் நோக்கி சென்றுகொண்டிருந்தார். கொண்டலாம்பட்டி பைபாஸில் இருந்து சீலநாயக்கன்பட்டி நோக்கி சென்றபோது, பின் தொடர்ந்து இரு பைக்குகளில் வந்த, 4 பேர், லாரியை வழிமறித்தனர். தொடர்ந்து, 'ஏன் வழிவிடாமல் செல்கிறீர்கள்' என கேள்வி எழுப்பினர். இதில் இரு தரப்பினர் இடையே வாக்குவாதம் ஏற்பட்ட நிலையில் ஆத்திரமடைந்த, 4 பேர் கும்பல், வடிவேலுவை தாக்கினர்.