சேலம் மாவட்டம், ஓமலுார் ஒன்றியம், சிக்கம்பட்டியில் உள்ள ஏ.சி.எஸ்., திருமண மண்டபத்தில், மக்களுடன் முதல்வர் முகாம் நேற்று நடந்தது. பச்சனம்பட்டி, பெரியேரிப்பட்டி, சிக்கம்பட்டி ஆகிய ஊராட்சி மக்களிடம் இருந்து கோரிக்கை மனுக்கள் பெறப்-பட்டது. ஓமலுார் பி.டி.ஓ.,க்கள் உமாசங்கர், நல்லதம்பி ஆகியோர் தலைமையில் நடந்த முகாமில், பல்வேறு துறை சார்பில் அலுவ-லர்கள் பங்கேற்று, 562 மனுக்கள் பெற்றனர். பொதுமக்கள் வசதிக்-காக இ-சேவை மையம் அமைக்கப்பட்டிருந்து.

முகாமை கலெக்டர் பிருந்தாதேவி நேரில் ஆய்வு செய்தார். அவ-ரிடம் பலர் பட்டா கேட்டு மனு வழங்கினர். சேலம் எம்.பி., செல்-வகணபதி, ஓமலுார் வடக்கு எம்.எல்.ஏ., ராஜேந்திரன், தி.மு.க., ஒன்-றியசெயலர் செல்வகுமரன், ஒன்றிய கவுன்சிலர் குப்புசாமி ஆகியோர் பங்கேற்றனர். கலெக்டர் மற்றும் அதிகாரிகள் வருவதற்கு முன்பாக, மண்ட-பத்தின் வெளியே சிலர் பணம் வாங்கிக் கொண்டு மனுக்களை எழுதி கொடுத்தனர். அதை கவனித்த பி.டி.ஓ., நல்லதம்பி, அங்கி-ருந்த மக்களை உள்ளே சென்று, இலவசமாக மனுக்களை எழுதி கொள்ளுங்கள் என தெரிவித்தார்.ஆனால், கலெக்டர் சென்ற பின், மண்டபத்துக்கு வெளியே மனுக்கள் எழுதுவோரிடம், கிராம மக்கள் பணம் கொடுத்து மனுக்களை எழுதி வாங்கி சென்றனர்.

சர்ச் கட்ட அனுமதி தரக்கூடாது:

சேலம் மாவட்டம், காடையாம்பட்டி சந்து மாரியம்மன் கோவில் தெருவை சேர்ந்த மதியழகன் என்பவர் தலைமையில், 10க்கும் மேற்பட்டோர் நேற்று கலெக்டர் அலுவலகத்தில் மனு அளித்-தனர். அதில், நாச்சினம்பட்டி வருவாய் கிராமத்தில், சேலம் டையோசிஸ் சொசைட்டி என்ற கிறிஸ்தவ அமைப்பு நிலம் வாங்கி, தங்கள் வசம் வைத்துள்ளது. இந்த நிலத்தில் கிறிஸ்தவ ஜெபக்கூடம் அல்லது புதிய சர்ச் கட்ட, தமிழக அரசிடம் அனு-மதி கோரியிருப்பதாக தெரிகிறது. இந்த நிலம் இருக்கும் இடம் அருகே, பழங்கால முனியப்பன், அய்யனாரப்பன் கோவில் அமைந்துள்ளது. சர்ச் கட்ட அரசு அனு-மதி வழங்கினால், மதபோதனை என்ற பெயரில் இங்குள்ள இந்-துக்கள் மதமாற்றம் செய்யப்படுவர். இதனால் மதமோதல் உரு-வாகி, பொது அமைதிக்கு பங்கம் ஏற்படும். எனவே, சர்ச் கட்ட அரசு அனுமதி வழங்கக் கூடாது. இவ்வாறு கூறப்பட்டுள்ளது.