மேட்டூர்: மேட்டூர், மாதையன்குட்டை, கிழக்கு, மேற்கு கால்வாய் கரையோரம், அரசு வேளாண் விதை பண்ணை, 57.90 ஏக்கரில் உள்ளது. அதில் வேளாண் அலுவலக கட்டடங்கள் தவிர மீதி, 44 ஏக்கரில் விதை நெல் சாகுபடி செய்யப்படும். கடந்த ஆண்டு கால்வாயில் நீர் திறக்கப்படாததால், சோளம், கம்பு, ராகி உள்ளிட்ட பயிர்கள், குறைந்த இடத்தில் நெற்பயிர் சாகுபடி செய்யப்பட்டன. நடப்பாண்டு கால்வாயில் பாசனத்துக்கு நீர் திறக்கப்பட்டதால், 44 ஏக்கரிலும் நெற்பயிர்கள் மட்டும் சாகுபடி செய்யப்பட்டு நன்கு வளர்ந்து பச்சைப்பசேல் என காட்சியளிக்கிறது.