இதுகுறித்து அதன் துணைவேந்தர் ஜெகநாதன் அறிக்கை:பெரியார் பல்கலை துறைகள், தர்மபுரி பெரியார் பல்கலை பட்டமேற்படிப்பு ஆராய்ச்சி மையம் ஆகியவற்றில், 2025 - 26ம் கல்வி ஆண்டு மாணவர் சேர்க்கைக்கு, பெரியார் பல்கலை இணையதளமான, www.periyaruniversity.ac.in வழியே, விண்ணப்பிக்கும் பணி தொடங்கப்பட்டுள்ளது.

இதன்மூலம் பல்கலையில் உள்ள, 27 துறைகளில் முதுநிலை பட்டம், 5 ஆண்டு ஒருங்கிணைந்த படிப்பு, முதுநிலை பட்டய படிப்பு, பட்டயப்படிப்பு, சான்றிதழ் என, 46 படிப்புகளுக்கும், தர்மபுரி பெரியார் பல்கலை பட்ட மேற்படிப்பு, ஆராய்ச்சி மையத்தில், 8 துறைகளில், 8 முதுநிலை பட்டப்படிப்புகளுக்கும், விண்ணப்பங்கள் வரவேற்கப்படுகின்றன. இதற்கான முழு விபரங்கள், மேற்கண்ட இணையதளத்தில் உள்ளது.